ත්‍යාගශීලි ශ්‍රී ලංකේය ජාතියට ආයාචනයක්
Your donation for a better tommorow through research
ලෝක දීමනා දර්ශකයට අනුව, ශ්‍රී ලංකාවේ ජනතාව පුණ්‍ය කටයුතු සම්බන්ධයෙන් ලෝකයේ අටවන ත්‍යාගශීලී ජනතාව වන අතර, දකුණු අර්ධ ගෝලයේ වඩාත් ම ත්‍යාගශීලී ජාතිය වේ (පුණ්‍යාධාර පදනම 2010)
ශ්‍රී ලංකාවේ, පුණ්‍යායතන මගින් සමාජය පුරා පළල් පරාසයක අවශ්‍යතා සහ අරමුණු ඉටු කරයි. ආපදා සහන, ගැටුම් කලාප සඳහා මානුෂීය ආධාර, සෞඛ්‍ය ආරක්ෂණ මුලපිරීම්, සාක්ෂරතාව ඉහළ නැංවීම, ග්‍රාමීය අධ්‍යාපන හිඩැස් පිරවීම, සංරක්ෂණය සහ තිරසාර භාවිතයන් කෙරෙහි අවධානය යොමු කරන පාරිසරික කණ්ඩායම් මීට ඇතුළත් වේ. ප්‍රජා සංවර්ධන, සත්ත්ව සුභසාධන, සංස්කෘතික සහ උරුම, කාන්තා සවිබල ගැන්වීම, ආගමික ආදී විවිධ පුණ්‍යායතන එක්ව, ශ්‍රී ලංකාවේ සමාජ සුබසාධනය සහ සංවර්ධනය නංවාලීම සඳහා වැදගත් කාර්යභාරයක් ඉටු කරයි.
එහෙත් මෙහි කැපී පෙනෙන අඩුව නම් බටහිර රටවල මෙන් පර්යේෂණ සදහා මුල්‍ය ප්‍රතිපාදන ලබා දීමට කැපවුණු පුණ්‍යායතන නොමැති වීමයි. මේ පිළිබද හොදින් පැහැදිලි කිරීම සඳහා The Wellcome Trust ආයතනය පිළිබද ව විමසමු.
The Wellcome Trust යනු කුමක් ද?
ලෝකයේ දෙ වන විශාලත ම පුණ්‍යාධාර පදනම වේ. සහ Human Genome Project හි සම-නිර්මාතෘ හා වෛද්‍ය පර්යේෂණ සහ නව ඖෂධ සොයා ගැනීම් සඳහා කැපවී සිටී. හෙන්රි වෙල්කම්ගේ අන්තිම කැමැත්තට අනුව ඔහුගෙ බූදලය පර්යේෂණ සදහා පරිත්‍යාග කර ඇත. ඒ අනුව විද්‍යාත්මක පර්යේෂණ සහ වෛද්‍ය විද්‍යාව හැදෑරීමට සහාය වීමෙන් සෞඛ්‍යය වැඩි දියුණු කිරීම සඳහා වෙල්කම් භාරය 1936 දී ආරම්භ කරන ලදී.
මෙම ආයතන මගින් ලොව පුරා පර්යේෂකයන්ට තරගකාරී පදනමින් පර්යේෂණ සදහා ප්‍රතිපාදන ලබා දෙයි. අපේ රටෙහි සිටින පරාර්ථකාමී දානපතියන් මෙම පූර්වාදර්ශය මත පදනම් ව පර්යේෂණ සදහා අත හිත දීමට පෙරට පැමිණෙන ලෙස ගෞරවයෙන් ඉල්ලා සිටිමු.
The wellcome trust ආයතනය ගොඩ නැගු හෙන්රි වෙල්කම් මහතා
අප ඇමතිමට
web- www.ird.lk
TP – 0112863084
Email – admin@ird.lk