ජාත්‍යන්තර බෝවන රෝග සංගමයේ (ISID) සභාපතිනිය ලෙස මහාචාර්ය නීලිකා මලවිගේ මහත්මිය පත් කර ඇත. ඇය 2027 දී සභාපති ධුරය භාර ගනු ඇති අතර, සෑම වාරයක්ම වසර දෙකක් පවතිනු ඇත.
විශේෂයෙන් පසුගිය සමයේ COVID-19 පර්යේෂණ සඳහා මහාචාර්ය මලවිගේ කැපී පෙනෙන දායකත්වයක් ලබා දුන් පර්යේෂිකාවකි. එසේම ශ්රී ලංකාවේ SARS-CoV-2 හි අණුක වසංගත විද්‍යාව පිළිබඳ ඇගේ පර්යේෂණ වෛරසයේ පැතිරීම සහ බලපෑම තේරුම් ගැනීමේදී තීරණාත්මක කාර්යභාරයක් ඉටු කර ඇත. එල්සිවියර්-ස්ටැන්ෆර්ඩ් (Elsevier-Stanford) ශ්‍රේණිගත කිරීම්වලට අනුව, ගෝලීය වශයෙන් ඉහළම විද්‍යාඥයින් 2% අතරට තේරී පත්වීම අගේ පර්යේෂණ භූමිකාවේ සාර්ථකත්වය කියාපාන්නකි.
ඊට අමතරව, ඩෙංගු රෝග කාරකය පිළිබඳ ඇගේ පුළුල් පර්යේෂණ, ප්‍රතිශක්තිකරණ ව්‍යාධිජනකය, ජෛව සලකුණු සහ ආරක්ෂාව පිළිබඳ ප්‍රතිශක්තිකරණ සහසම්බන්ධතා කෙරෙහි අවධානය යොමු කරමින්, සායනික අත්හදා බැලීම් බෙහෙවින් දියුණු කර ඇති අතර රෝගයේ අණුක යාන්ත්‍රණයන් පිළිබඳ අපගේ අවබෝධය ගැඹුරු කර ඇත.
මෙම ගෞරවනීය පත්වීම මහාචාර්ය මලවිගේගේ සුවිශේෂී ජයග්‍රහණ ඉස්මතු කරනවා පමණක් නොව, ශ්රී ලංකාවට ද ශ්රී ලාංකික පර්යේෂණ ක්ෂේත්රයට ද ගෝලීය පිළිගැනීමක් ගෙන එයි. ISID හි තේරී පත් වූ සභාපතිනිය ලෙස, ඇය සංවිධානයේ උපායමාර්ගික මුලපිරීම් හැඩගස්වනු ඇත, ජාත්‍යන්තර සහයෝගීතාවයන් පෝෂණය කරනු ඇත, සහ බෝවන රෝග පිළිබඳ පර්යේෂණ සහ අධ්‍යාපනයේ දියුණුව ප්‍රවර්ධනය කරනු ඇත.
මෙම ගෞරවනීය පත්වීම ලැබූ මහාචාර්ය මලවිගේ මහත්මියට ‘ගවේෂණ’ සගරාවේ හෘදයාංගම සුබ පැතුම් පිරිනමන අතර ඇගේ බෝවන රෝගවලට එරෙහි ගෝලීය සටනේදී පරිවර්තනීය පර්යේෂණ සහ නායකත්වයට සහාය වීමට කැපවී සිටී.-
රජින්ද්‍රා සිරිවර්ධන-