සෞඛ්ය සහ සමාජ සත්කාර පිළිබඳ පර්යේෂණ සහ සංවර්ධන ආයතනයේ (IRD) අධ්යක්ෂවරයා සහ ජාත්යන්තර නිවුන් අධ්යයන සංගමයේ (ISTS) සභාපතිවරයා වන මහාචාර්ය අතුල සුමතිපාල මහතා 2026 ජූනි 26 සිට ජූලි 1 දක්වා චීනයේ කළ සිය අධ්යයන සංචාරය ඉතා සාර්ථක ව නිම කළ බව අපි ඉමහත් සතුටින් දන්වා සිටිමු. එහි දී එතුමා චීනයේ කීර්තිමත් ජාත්යන්තර සමුළු දෙකක දී සහ ප්රමුඛ පෙළේ අධ්යයන ආයතනයකදී ප්රධාන සහ විශේෂ දේශන පවත්වන ලදී.
මෙම සංචාරය අතරතුර මහාචාර්ය සුමතිපාල මහතා Planetary Health, Evidence-Based Healthcare සහ Advances in Twin Research Methodology පිළිබඳ සිය විශේෂඥ දැනුම, ලොව පුරා විසිරී සිටින ප්රමුඛ පෙළේ පර්යේෂකයින්, සායනික වෛද්යවරුන් සහ විද්යාර්ථීන් සමඟ බෙදාගත්තේ ය.
මීට 6th Belt & Road Initiative Global Health International Congress සහ Shengjing Maternal and Fetal Medicine Conference යන සමුළුවල ප්රධාන දේශන මෙන්ම, පීකිං විශ්වවිද්යාලයේ මහජන සෞඛ්ය විද්යාලයේ (School of Public Health, Peking University) පැවැත්වූ විශේෂ දේශනයක් ද ඇතුළත් විය.
සියලු දේශන ඔස්සේ, එතුමා Global North සහ Global South අතර පවතින 10/90 පර්යේෂණ පරතරය පිළිබඳ ව විශේෂ අවධානයක් යොමු කළ අතර, පර්යේෂණ ධාරිතාවේ සහ සාක්ෂි ජනනය කිරීමේ අසමානතා මඟහරවා ගැනීමේ දැඩි අවශ්යතාව අවධාරණය කළේ ය. සාධාරණ ගෝලීය සෞඛ්ය පර්යේෂණ ප්රවර්ධනය කිරීම, සාක්ෂි මත පදනම් වූ ප්රතිපත්ති සම්පාදනය සහ පොදු ගෝලීය ප්රතිලාභ ළඟා කර ගැනීම සඳහා South–South සහ North–South හවුල්කාරිත්වයන් ශක්තිමත් කිරීමේ වැදගත්කම ද එතුමා පෙන්වා දුන්නේ ය.
මෙම අධ්යයන සංචාරය ශ්රී ලංකාව සහ චීනය අතර පර්යේෂණ හවුල්කාරිත්වය සහ ජාත්යන්තර සහයෝගීතාව තවදුරටත් ශක්තිමත් කිරීමට මනා පිටිවහලක් විය. ජාත්යන්තර අධ්යයන සහයෝගීතාව ඔස්සේ සාක්ෂි මත පදනම් වූ සෞඛ්ය සේවා, ගෝලීය සෞඛ්ය පර්යේෂණ සහ ධාරිතා වර්ධනය සඳහා ඇති අන්යෝන්ය කැපවීම ද මෙයින් නැවතත් තහවුරු කෙරේ.
සත්කාරක ආයතන සහ සමුළු සංවිධායකයින් දැක්වූ උණුසුම් ආගන්තුක සත්කාරය සහ කාරුණික ආරාධනය වෙනුවෙන් අපගේ හෘදයාංගම කෘතඥතාව පළ කරමු. මෙම සංචාරය සහයෝගීතාව සහ දැනුම හුවමාරුව සඳහා අර්ථවත් වේදිකාවක් බවට පත් කිරීමට දායක වූ සැමට අපගේ ස්තූතිය හිමිවේ.
